ရှင်နန္ဒမာလာ
ရှင်နန္ဒမာလာ (၁၀၆၉ − ၁၁၄၄) သည် ဘိုးတော်ဘုရားလက်ထက်တွင် ထင်ရှားခဲ့သည့် ကျမ်းပြုဆရာတော်တစ်ပါး ဖြစ်သည်။[၁]
ဘဝ[ပြင်ဆင်ရန်]
ဆရာတော်ကို သက္ကရာဇ် ၁၀၆၉ ခုနှစ်တွင် ဆန်ပချီသွင်းတိုက်နယ်၊ ပေါက်မြင့်ရွာတွင် မွေးဖွားခဲ့သည်။ ငယ်မည်သည် မောင်စံဘ ဖြစ်၏။ ငယ်စဉ်ကပင် သာမဏေဝတ်ခဲ့ကာ ဘွဲ့အမည်မှာ ရှင်နန္ဒ ဖြစ်သည်။ ထို့နောက်တွင် ရဟန်းဘောင်သို့ တက်ရောက်ကာ စလင်းမြို့တွင် စာပေများ ဆက်လက်သင်ကြားခဲ့သည်။
ထိုအချိန်တွင် သံဃာတော်တို့သည် အတင်ဂိုဏ်း၊ အရုံဂိုဏ်း ကွဲပြားလျက်ရှိ၏။ ထိုအချိန်တွင် မင်းတရားကြီးသည် ရှင်နန္ဒ၏ ဂုဏ်သတင်းကို ကြားသိ၏။ ထို့နောက် ပင့်ဆောင်၍ ထိုသံဃာ့ပဋိပက္ခကို ဖြေရှင်းစေရာ ရှင်နန္ဒသည် ထိုကိစ္စကို ပြီးပြတ်အောင် ဖြေရှင်းပေးခဲ့သည်။ ထို့နောက် မင်းတရားကြီးသည် ဆရာတော်အား ကိုးကွယ်တော်မူခဲ့သည်။ ဆရာတော်သည် အင်းဝမြို့ အနောက်ဘက် ဝါဆိုကျောင်းတွင် သီတင်းသုံးခဲ့သည်။[၁]
ဘွဲ့တံဆိပ်ရရှိမှု[ပြင်ဆင်ရန်]
၁၁၄၂ ခုနှစ်၊ နယုန်လဆန်း ၁၅ ရက်နေ့တွင် တိပိဋကာလင်္ကာရ သဒ္ဓမ္မသာမိမဟာဓမ္မရာဇာဓိရာဇဂုရုတံဆိပ်တော်ကို ကပ်လှူခြင်း ခံရသည်။[၁]
ပျံလွန်တော်မူခြင်း[ပြင်ဆင်ရန်]
မင်းတရားကြီးသည် ဆရာတော်အား ဘုံကျော်ဝေယန်ကျောင်းတော်ကြီးကို လောကသရဖူဘုရားရှေ့တွင် ဆောက်လုပ်ကာ လှူဒါန်းမည်ပြုရာတွင် ရေစက်မချရသေးမီ ဝါဆိုကျောင်း၌ ပျံလွန်တော်မူခဲ့သည်။[၁]
ပြုစုခဲ့သည့် ကျမ်းများ[ပြင်ဆင်ရန်]
၁။ ဝိနယဝိနစ္ဆယနိသျ၊
၂။ သုတ္တသင်္ဂဟနိသျ၊
၃။ သုတ်မဟာဝါအဋ္ဌကထာနိသျ၊
၄။ သာသနသုဒ္ဓိဒီပက။[၁]