အောင်ကျော်ထွန်း
![](http://upload.wikimedia.org/wikipedia/my/thumb/5/51/Composer_Aung_Kyaw_Tun.jpg/250px-Composer_Aung_Kyaw_Tun.jpg)
အမည်အရင်းမှာ ဦးတင်အောင်ဖြစ်သည်။ ရခိုင်ပြည်နယ်၊ သံတွဲမြို့၊ ချောင်းဝရွာနေ အဖ ဦးညီသိန်းနှင့်အမိ ဒေါ်ငွေစိန်တို့မှ ၁၃၁၁ခု၊ နတ်တော်လဆန်း ၁၁ ရက် (၃၀-၁၁-၁၉၄၉) ဗုဒ္ဓဟူးနေ့တွင် ဖွားမြင်သည်။ မွေးချင်း ၅ ယောက်အနက် ဒုတိယမြောက်သားဖြစ်သည်။ ချောင်းဝ (အမက) မှ ၄ တန်းအောင်မြင်ခဲ့ပြီး ရှင်သာမဏေဝတ်ခဲ့သည်။ ဘွဲ့အမည်မှာ ရှင်ဝါသဝ ဖြစ်သည်။ ဆရာတော် ဦးနန္ဒိယ(ချောင်းဝ) နှင့် ဆရာတော် ဦးနန္ဒမဉ္ဇူ(နံတော်တောင်) တို့ထံတွင် ပညာသင်ယူဆည်းပူးခဲ့သည်။ ပထမငယ်၊ ပထမလတ်တန်းတို့ကို အောင်မြင်ခဲ့သည်။ ရန်ကုန်မြို့၊ အလယ်တောရတိုက်သို့ သွားရောက်ကာ ဆက်လက်ပညာ ဆည်းပူးသည်။ လောကီပညာ ၁၀ တန်းအထိရောက်ရှိခဲ့သည်။
ကိုရင်က လူထွက်ပြီး စစ်တပ်ထဲသို့ဝင်ခဲ့သည်။ တပ်ကထွက်ပြီးနောက် အဆိုတော် ဟင်္သာတထွန်းရင် နှင့် လက်တွဲမိသွားပြီး ဂန္ထဝင်တေးသီချင်းများကို ရေးခဲ့သည်။ သူရေးသားခဲ့သော သီချင်းများမှာ . . .
- ကျွန်တော်ချစ်သောခမ်း
- စနေမ
- ငယ်သူငယ်ချင်းစာဥ
- အလွမ်းသမားလေးရဲ့သဝဏ်လွှာ
- အမေနဲ့ရွာကိုလွမ်းတယ်
- ဥဩ
- ကျွန်တော်သိတဲ့အေးကြည်မ
- အမေ့ကျေးဇူးဆပ်မယ်
- ပြောပေးပါ ကျေးတမန်
- ရင်ခွင်မဲ့သား
- မွေးမေကျေးဇူးဆပ်ဖူးချင်တယ်
- ထန်းလက်ပုတီးလေးမေးကြည့်ပါ
- မအိုဇာညာတယ်
- ပင့်ကူအိမ်မာယာနန်း
- ရေချမ်းသက်စေ့ပန်းသက်စေ့
- လူမနေတဲ့အိမ်ကလေး
- ဖိုးထောင်ရေ
- အရောက်ပြန်ခဲ့မယ်
- ဝမ်းနည်းဝမ်းသာ
- အမေ့အလွမ်းပြေ
- သာဓုခေါ်ပါ
- အမေ့သားလှရွာအပြန်
စသည်တို့ဖြစ်သည်။ အမှတ် ၂၂၃၊ သဒ္ဒါသုခလမ်း၊ ကမ်းနားအနောက်ရပ်ကွက်၊ အင်းစိန်မြို့နယ်၊ ရန်ကုန်မြို့တွင် (၂၃-၁-၁၉၈၄) တင်္နလာနေ့တွင် ကွယ်လွန်သည်။ ကွယ်လွန်ချိန်တွင် ဇနီး ဒေါ်တင်တင်မူ နှင့် သမီး မကြူကြူသင်း(ခ)မကြူကြူကျော်ထွန်းတို့ ကျန်ရစ်ခဲ့သည်။
ကိုးကား[ပြင်ဆင်ရန်]
- အထက်ပါအကြောင်းအရာများသည် သမိုင်းသုတေသီ စာရေးဆရာ ဒွါရာဝတီ-အသျှင်ကုသလ(ငွေသဇင်) လက်ရှိသီတင်သုံးနေထိုင်တော်မူသော သံတွဲမြို့၊ မင်းဗာကြီးလမ်း၊ အောင်မြေသာစည် ပရိယတ္တိစာသင်တိုက် ကျောင်းဝန်းအတွင်း ၂၅-၃-၂၀၁၃ နေ့တွင် ဂုဏ်ပြုစိုက်ထူထားသည့် ဂီတစာဆို-အောင်ကျော်ထွန်း အတၳုပတ္တိ ကဗည်းကျောက်စာပါ အကြောင်းအရာများဖြစ်သည်။
- အသုံးပြုထားသောဓာတ်ပုံမှာ
ဂီတစာဆို အောင်ကျော်ထွန်း အမှတ်တရ ကဗည်းကျောက်စာတိုင် စိုက်ထူပွဲအခမ်းအနား လက်ကမ်းစာစောင်မှ ဖြစ်သည်။